LOK SAMCHAR
पुणे शहर पोलीस आयुक्तालयातील आंबेगाव पोलीस स्टेशनने ISO 9001:2015 मानांकन प्राप्त करत आयुक्तालयातील पहिलेच पोलीस ठाणे होण्याचा मान मिळवला आहे. आज (सोमवार, ३० जून २०२४) रोजी पुणे शहराचे पोलीस आयुक्त श्री. अमितेश कुमार यांच्या हस्ते आंबेगाव पोलीस स्टेशनला हे प्रतिष्ठित प्रमाणपत्र प्रदान करण्यात आले.
आंबेगाव पोलीस स्टेशनचे वरिष्ठ पोलीस निरीक्षक श्री. शरद झिने आणि त्यांच्या सहकाऱ्यांच्या अथक परिश्रमाचे हे फळ आहे. या मानांकनामुळे आंबेगाव पोलीस स्टेशनमधील अभिलेखांच्या नोंदणीसाठीची सर्व रजिस्ट्रर्स आणि फाईल्स अद्ययावत झाल्या असून, कामकाजामध्ये एकसंधता आणि सुसूत्रता आली आहे. याचा थेट फायदा नागरिकांना मिळत असून, त्यांना आता अधिक दर्जेदार आणि उत्तम पोलीस सेवा अनुभवता येत आहे.
या ISO 9001:2015 प्रमाणपत्राने पोलिसांच्या कामाला नवी ऊर्जा आणि प्रेरणा मिळाली आहे.
यामुळे पोलिसांना कामात स्फूर्ती, प्रेरणा मिळत असून ताणही कमी झाला आहे.
ही घडामोड आंबेगाव पोलीस स्टेशनच्या जनतेप्रतिआस्थेच्या आणि सेवा वचनबद्धतेच्या दिशेने एक मोठे व महत्त्वाचे पाऊल ठरली आहे.
ISO 9001:2015 प्रमाणपत्र प्रदान सोहळ्यास मा. श्री. अमितेश कुमार, पोलीस आयुक्त साो, पुणे शहर, मा. श्री. रंजन कुमार शर्मा, पोलीस सह आयुक्त, पुणे शहर, मा. श्री. संजय बनसोडे, अपर पोलीस आयुक्त, पचिम प्रादेशिक विभाग, मा. श्रीमती स्मार्तना पाटील, पोलीस उप आयुक्त, परिमंडळ २ पुणे शहर, मा. श्री. राहुल आवारे, सहा. पोलीस आयुक्त स्वारगेट विभाग, पुणे शहर, मा. श्री. शरद झिने, वरिष्ठ पोलीस निरीक्षक, आंबेगाव पोलीस स्टेशन, मा. श्री गजानन चोरमले, पोलीस निरीक्षक (गुन्हे) व आंबेगाव पोलीस स्टेशनचे अधिकारी हजर होते.
